كتب – أحمد إمام..
توفر بوليصة تأمين السفر السنوية راحة البال في حالة التعرض لحادث أو فقدان جواز سفرك أو مشكلة قضائية للمسافر إذا كنت بالخارج.
فهي تؤمن مساعدة قانونية إذا تعرضت لمشكلة كبيرة أثناء رحلتك بالخارج شرط أن لا يكون خطأك وتغطي العلاج الطبي وعلاج الأسنان في حالات الطوارئ.
وفي حديث خاص لـ”وصال”، قال أحمد الأمير، صاحب ومدير شركة A.D.M TAXIS FLEET ببريطانيا: “بوليصة تأمين السفر بتكون عبارة عن تأمين قانوني أو قضائي لو فى حالة إنك حصلك أى مشكلة فى أى بلد، يجيبولك محامى من اختيارك أو اختيارهم يدافع عنك، بس ده بيكون غير شامل، لو جه عليك أي غرامة أو أتعاب بقرار محكمة.”
وتابع: “فيه أكثر من شركة بتقدم التأمين ده من ضمنهم Aviva أو Staysure و غيرهم كتير وبيكون عندهم أكثر من مستوى للتأمين و بأسعار مختلفة، حسب عدد الأفراد أو الإضافات، مشيرا إلى أن غالبا بوليصة تأمين السفر يكون فيها ال Legal cover.”
وأوضح الأمير: “البوليصة تكون شخصية أو عائلية حسب اختيارك والحالتين بيدفعوا عنك و يتكفلوا بكل المصاريف لو حصلك أى مشكلة خارج البلد اللي أنت عايش فيها، مضيفا “طبعا بيكون فيه حد أقصى إجمالى التكلفة بس بيكون دايما رقم كبير يعنى بيغطى أتعاب المحاماة حتى ما يعادل ٦٠٠٠ جم في الساعة مثلا وبحد أقصى مليون جنيه استرلينى (دى مثلا تفاصيل البوليصة بتاعتى)”.
وعن الدافع لاستخراج البوليصة، قال الأمير: “أنا بسافر كتير فكنت بشترى دايمآ تأمين سفر كل مرة بس من سنة كده عملت search على تأمين سفر سنوى ولقيت أنه هيكون أوفر من إنى اشترى كل مرة بسافر فيها – اشتريت بوليصة فيها تأمين سفر وتأمين قضائي و تأمين طبي و تأمين عربية بسعر 16£ فى الشهر تقريبا بتدفع عن طريق حاجة اسمها direct debit أو تحويل بنكي تلقائي.”