كتب- محمد أبو الدهب..
استضاف برنامج المقالب «رامز إيلون مصر» المطربة المغربية بسمة بوسيل في الحلقة السابعة بالموسم الرمضاني الجديد، ويُذاع البرنامج على شبكة قنوات إم بي سي في السادسة مساءً بتوقيت مصر.
فكرة برنامج رامز إيلون مصر
تقوم فكرة البرنامج هذا الموسم على إيهام الضيف بالمشاركة في حلقة من برنامج لاكتشاف المواهب العالمية، ويشارك رامز جلال بشخصيته كواحد من الحكام مع الضيف.
بسمة بوسيل ضيفة الحلقة السابعة من «رامز إيلون مصر»
في الحلقة السابعة حلًّت الفنانة بسمة بوسيل، الزوجة السابقة للمطرب تامر حسني ضيفًا على البرنامج، على أنها أحد الحكُّام في برنامج المواهب مع الفنانة نوال الزغبي، ولاعب الكرة السعودي محمد نور.
وفي تقديمه لبسمة بوسيل؛ قال رامز جلال: “برنسيسة جزيزة المطلقات وصلت، ذبيحة قصة الحب الرومانسية، من ساعة ما اتطلقت وهي عايشة في حالة حداد”.
بداية المقلب
في أحد الفقرات تدخل موهبة أخرى في شخصية مخترع ياباني، حيث يدعو ضيف البرنامج بسمة بوسيل لتجربة جهاز من اختراعه عبارة عن سرير.
وبعد توثيق الضيفة في السرير؛ يدخل رامز في هيئة روبوت، ويبدأ في طرح الأسئلة على الضيفة، وصعقها بالكهرباء في كل مرة يخطأ فيها.
بعد ذلك؛ كشف رامز عن شخصيته أمام بسمة بوسيل؛ فقالت الأخيرة: “أنت يا ابني مجنون ومريض، أنت لازم تروح تتعالج”.
وطلب منها ترديد صيغة التعهُّد الذي يكررها في كل حلقة، والموافقة على ما يحدث لها في المقلب، كما طلب منها ساخرًا التنازل عن النفقة- ويقصد طليقها تامر حسني-، ولكنها ردت قائلة: “وحياة أمي ما حيحصل”.
بسمة بوسيل تكشف تفاصيل طلاقها من تامر حسني
وسأل رامز جلال المطربة بسمة بوسيل بعض الأسئلة التي تتعلّق بقصة طلقها من تامر حسني، كالتالي:
رامز: ممكن تفكري في الجواز تاني؟
بسمة: لاء
يعني تامر عقّدك من الجواز خلاص؟
مش عايزة أتجوز خلاص، انتهيت من الموضوع ده.
ممكن ترجعي لتامر تاني؟
لاء
أنتِ كنتي بتغيري على تامر ولا واثقة فيه؟
واثقة فيه.
طيب اتطلقتم ليه؟
عشان خلاص مش نافع.
مين أكتر ممثلة كنتي بتغيري على تامر منها؟
عمري ما غيرت من ممثلة.
نجم الجيل بيدفع نفقة كام؟
5 آلاف جنية.
رد رامز مندهشًا وضاحكًا: نجم الجيل بيدفع 5 آلاف جنيه، ده أنا اللي حرفع عليه قضية.
رامز: مين اللي طلب الطلاق؟
بسمة: أنا.
وفي نهاية البرنامج؛ قال رامز لبسمة بوسيل: “أنا جبتك عشان أرجع المياه لمجاريها، تامر ما بعد يشوف الحلقة دي حيضرب لك تليفون بالليل، ويقولك آسف على كل اللي عملته معاكي، وحيسامحك وحترجعوا لبعض”.
فيديو| «رامز إيلون مصر» الحلقة السادسة.. حسام حبيب يوجّه رسالة لشيرين