كتبت: وفاء عثمان..
تواصل الأحداث المثيرة في مسلسل “شهادة معاملة أطفال”، ومع الحلقة 19 بدأت خيوط جديدة تتكشف، خاصة مع مساومة أشجان – عايدة رياض لعبد الستار الكف – محمد هنيدي، بعدما عرفت السر الكبير عن عبد الرحيم غلاب، والمكان اللي مدفون فيه الذهب اللي كان مخبيه الكف قبل الحادث.
أشجان لعبتها بذكاء.. طلبت من عبد الستار إنه يعترف بابنه شنداويلي مقابل إنها تدله على مكان الذهب، فهل هيرضخ لطلبها؟ ولا هيلاقي طريقة تانية للوصول لكنزه المفقود؟
أحداث الحلقة 18.. الجن بيحب وتوحة بتتجسس
في الحلقة اللي فاتت، حصلت مفاجآت غريبة، أهمها إن الجن – علاء مرسي اشتكى لعبد الستار إنه مش قادر ينام بسبب وقوعه في الحب! أما توحة – نهى صالح فكانت بتدبر لحاجة تانية خالص، وبدأت تتجسس على الكل بحجة إنها بتحضر الشاي، وهو ما خلى عبد الستار يشك إنها مخبية سر كبير.
سليمان أبو الهول وتاجر الآثار.. خطة جديدة؟
على جانب تاني، سليمان أبو الهول – أشرف زكي ظهر في مشهد مثير مع مقبولة – أسما إبراهيم، بعد ما استدعته لمقابلتها، وسألها عن عبد الستار الكف، لكنها اشترطت إن الحوار يكون في وجوده شخصيًا.
وفي نفس الوقت، توحة كانت متنصتة على المكالمة وأوصلت المعلومات لباهر عبد الرحيم غلاب، فهل ده هيقلب الأحداث ضد عبد الستار؟
أما اللحظة الأهم فكانت لقاء عبد الستار بسليمان أبو الهول، واللي استغلته مقبولة علشان توري بنتها إنجى إن والدها قاعد مع تاجر آثار، لكن إنجى استبعدت الموضوع وقالت: “بابا محامي.. طبيعي يكون بيقابل ناس زي دي!”.